Kiroletik

Behe Bidasoko kirolarien eta kirol elkarteen informazioa euskaraz zabaltzea helburu duen agerkari digitala da Kiroletik. 2015eko urtarrilean hasi zen martxan. Eskualdeko kirolari estaldura ematen dioten gaztelaniazko komunikabideak zeuden alde batetik, eta euskarazko hedabide orokorrak bestetik. Baina kirol informazioa jarraitasunez, sakontasunez eta euskara hutsean jorratzen zuen proiekturik ez zegoen.

Kontuan hartu behar da Kiroletik-ek badituela beste hainbat adar. Antxeta Irratian astero ekoitzi eta emititzen den irratsaioa alde batetik. Behe Bidasoako kirolaren aktualitatea du gai nagusi, eta berri, kronika eta elkarrizketa ezberdinak lantzen dira bertan. Irratsaioak, eta bertarako prestatzen diren edukiak interneteko agerkarian eskaintzen dira ondoren. Gainera, antxetamedia.eus berak badu Kiroletik deituriko atala, eskualdeko kirolaz arduratzen dena. Proiektu zabala da, beraz, Kiroletik.