Antxeta Irratia

Irrati elkarte edo komunitarioa da Antxeta Irratia. 2001.urtean sortu zen eta urtetik urtera, handitzen eta sakontzen joan da bere elkarte izaera. Alegia, lau kazetarik denbora osoz bertan lan egin arren, laguntzaile edota kolaboratzaileak dira irratiko arima, irratiko gidari eta irratia biziarazten dutenak. Gaur egun, 70 dira Antxeta Irratiko sarea osatzen duten norbanakoak, laguntzaileak gehienak.

24 orduko emisioa du Antxeta Irratiak. Astelehenetik igandera hedatzen du programazioa. Langileek osatzen dute berau noski, baina erran bezala, baita laguntzaileek ere.

Euskalduna, komunitarioa, "mugaz gaindikoa" (Lapurdi, Gipuzkoa eta Nafarroa batzen baititu uhinen bidez) eta informazioari dagokionez orokorra da Antxeta Irratia. Lau hauek dira bere estiloa, norabidea eta izaera finkatzen duten orratzak. Orratzak, jostea baita gure lana.

Izatez naturala den eskualde batean lan egiten du Antxeta Irratiak. Bidasoa ibaiaren ibilbidea segitzen dugu egun. Beratik hasi eta Hondarribiaraino. Herri hauek osatzen dute irratiaren hedapen eremua: Hendaia, Urruña, Biriatu, Irun, Bera eta Hondarribia. Nahiko eremu zabal da. 106.000 biztanle orotara gutxi ora behera.